Віктар Аляксандравіч Сняжыцкі

Віктар Аляксандравіч Сняжыцкі
Дата нараджэння	22 кастрычніка 1959(1959-10-22) (64 гады)
Месца нараджэння	Гарнастаевічы, Міхайлаўскі сельсавет, Поразаўскі раён, Гродзенская вобласць, БССР, СССР
Грамадзянства	СССР  Беларусь
Род дзейнасці	кардыёлаг, урач, галоўны ўрач, медыцынскі адміністратар, даследчык
Навуковая сфера	кардыялогія
Месца працы	ГрДМУ Гродзенскі абласны кардыялагічны дыспансер[d]
Навуковая ступень	доктар медыцынскіх навук (2006)
Навуковае званне	прафесар член-карэспандэнт НАН Беларусі
Альма-матар	Гродзенскі медыцынскі інстытут (1984) Акадэмія кіравання пры Прэзідэнце Рэспублікі Беларусь
Член у	Беларускае навуковае таварыства кардыёлагаў[d] Еўрапейскае таварыства кардыёлагаў[d]
Узнагароды

Віктар Аляксандравіч Сняжы́цкі (нар. 22 кастрычніка 1959, в. Гарнастаевічы, Свіслацкі раён, Гродзенская вобласць) — беларускі кардыёлаг і дзяржаўны дзеяч. Доктар медыцынскіх навук (2006), прафесар (2008). Член-карэспандэнт Нацыянальнай акадэміі навук Беларусі. Член Беларускага навуковага таварыства кардыёлагаў, Еўрапейскага таварыства кардыёлагаў. Замежны член Расійскай акадэміі навук (2022, кардыялогія).

Біяграфія

Скончыў у 1984 годзе з адзнакай Гродзенскі дзяржаўны медыцынскі інстытут па спецыяльнасць «Лячэбная справа». У 1984—1986 гадах клінічны ардынатар кафедры шпітальнай тэрапіі Гродзенскага дзяржаўнага медыцынскага інстытута. У 1989 годзе скончыў аспірантуру па спецыяльнасці «Унутраныя хваробы». У 1989—1995 гадах асістент кафедры шпітальнай тэрапіі. У 1995—2001 гадах загадчык аддзяленнем Гродзенскага абласнога кардыялагічнага дыспансера, у 2001—2006 гадах — галоўны ўрач.

У 2004—2008 гадах дацэнт кафедры шпітальнай тэрапіі ГрДМУ, з 2006 года прафесар. У 2006—2009 гадах прарэктар па навуковай працы, у 2009—2010 — першы прарэктар, з 2010 па 2020 гады — рэктар Гродзенскага дзяржаўнага медыцынскага ўніверсітэта.

Скончыў Акадэмію кіравання пры Прэзідэнце Рэспублікі Беларусь.

Выбраны членам Савета Рэспублікі Нацыянальнага сходу Рэспублікі Беларусь шостага склікання ад Гродзенскай вобласці. Член Пастаяннай камісіі Савета Рэспублікі Нацыянальнага сходу Рэспублікі Беларусь па адукацыі, навуцы, культуры і сацыяльным развіцці.

Навуковая дзейнасць

Навуковыя даследаванні прысвечаны праблемам лячэння артэрыяльнай гіпертэнзіі, ішэмічнай хваробы сэрца, недастатковасці кровазвароту і парушэнням рытму сэрца. Аўтар звыш 450 навуковых прац, у тым ліку 12 манаграфій і 25 патэнтаў.

Узнагароды

• медаль Францыска Скарыны,
• знак «Выдатнік аховы здароўя Рэспублікі Беларусь» (2007),
• медаль Свяціцеля Кірылы Тураўскага Беларускай Праваслаўнай царквы (2011),
• Заслужаны работнік адукацыі Рэспублікі Беларусь (2020).

Спасылкі

• На Вікісховішчы пакуль няма медыяфайлаў па тэме, але Вы можаце загрузіць іх
• Члены Савета Рэспублікі. Сняжыцкі Віктар Аляксандравіч Архівавана 12 кастрычніка 2017.
• Віктар Аляксандравіч Сняжыцкі ў базе даных «История белорусской науки в лицах» Цэнтральнай навуковай бібліятэкі імя Якуба Коласа НАН Беларусі (руск.)